COSADIELLA II 

 

(Letra deTeodoro Cuesta)

 

 

¿Qué cosa cosadiella ye una cosa,

(cosadiella non ye muy revesosa)

que los homes non tienen en´a vida

y pa ellos ye cosa perquerida

pos, a veces, furiosos y rabiáos,

si non puén a moquetes o bucáos,

facen usu del palu o la civiella

por mor de mió cosa cosadiella?

 

¿Que s´afaya? ¡Carape! El rinconcín

u tá ella tá siempre calentín.

Igual da que torcíu que derechu,

llueva, nieve, xarice, pos tá a techu.

 

Dirévos que non tién otros vecinos

que guedeyos, ya roxos, ya negrinos,

y non canta, nin tose, fala  o  mira,

pero dicen los sabios que sospira.

 

Cosa cierta, l´humanu tién empeñu

por palpala depués que sal de neñu,

y si vela o al cabu la tropieza,

si non la pilla, ¡ pues duélei la cabeza !

 

¿Tá non diésteis n´el quiz? ¡ Oh, porreteros !

Non la tienen los güés, nin los carneros,

nin la tienen los perros, nin los gatos,

nin los glayos, xilgueros, nin ñervatos.

 

El ricu y el probín, tou´l que espatuxa,

l´asesinu,´l  lladrón, fasta la bruxa,

toos tuvieron,  ¡ creéilo !, por portiella,

sin sabelo, mió cosa cosadiella,

menos Adán y Eva, per agora,

y tamién vos diré qu´en  una hora

d´eses   tontes de plasmu y de torpeza

en ella metió Adán la so cabeza.

 

Tamién vos diré que tá amurniada,

non se trata con nadie, ye callada,

y non siempre ye bona, qu´el comiciu

munches veces la fai perder el xuiciu.

 

Cuando mozu barrunta la cuitada,

ponse allegre, llistina y collorada,

y, a pesar de vivir ente la saya,

de gustín,  ¡ porretera !, se´smocaya.

 

A veces, a pesar del crudu inviernu,

mió cosa cosadiella ye un infiernu,

el vapor condensáu ye un fumeru

que tá, a la sombra, a venti sobre ceru.

  

Unes veces tá´nsucha, otres, moyada,

y dicen que asemeya la cuayada

po lo llisa, lo nidia y lo blanduca,

y que ye viciosina la cosuca.

 

La color hay quién ye diz que ya le lila

y de rosa; el golor... ¡yo no n golila!,

pero dicen péritos muy formales

que güele asina como a quesu de  cabrales.

 

La muyer nunca - ¡nunca! - tá sin ella.

¿Quién acierta la mió cosa cosadiella?

-Yo,  ¡recontra!, yo mesmu -  diz Pioyina.

Esa cosa, pos ye... ye... la ratina.